係旺角整完頭髮,口痕想食糖水。
行左陣見到呢間海記合桃坊甜品好多人排隊,
門口貼左張合桃糊相,個樣好吸引!
一個人唔洗等好耐就有位,
一大班人就應該要等耐少少。



坐低落完單唔洗幾分鐘
就已送上熱辣辣嘅‘沙沙合桃糊’,
超有效率,而且店員都好NICE。



中式甜品我向來最愛就係合桃糊,
呢碗沙沙合桃糊香濃得黎仲好幼滑,
甜度剛好,重點係有極多香脆合桃碎,
絕對真材實料,實在令我一試驚喜!
係我暫時食過最好食嘅合桃糊!
大大碗足料又抵食,難怪成為招牌甜品!

 
文章標籤
創作者介紹
創作者 heimen 的頭像
heimen

heimen的部落格

heimen 發表在 痞客邦 留言(0) 人氣()