close
黎到沙田想食越南菜，
上網搵到呢間大越越南餐廳，
睇餐牌D野食都幾岩食，去馬！
餐廳環境寬敞舒服，卡位好闊落，
午餐時段接近全場爆滿，好多捧場客～
多款午市套餐供選擇，
有叻沙、湯檬/粉、飯類、
二人餐、小食、特式凍飲等。
大越三寶(白飯) HK$62
分別有香茅雞翼、香茅豬扒、扎肉，
香茅雞翼皮脆肉嫩，煎至兩面金黃色，
肉質嫩滑又多汁，香氣逼人！
香茅豬扒醃得入味，帶鹹鮮香，
煎至微焦，保留肉汁同時唔肥膩～
扎肉肉質彈牙爽滑，口感軟腍。
峴港蕃茄蟹膏蝦丸扎肉湯檬 HK$62
極濃郁既蕃茄湯底鮮味十足，
大量蕃茄蓉酸酸甜甜夠哂開胃，
配料豐富，有齊蟹膏、蝦丸、扎肉。
蟹膏甘香軟滑、蝦丸彈牙有嚼勁，
扎肉同樣爽滑，檬粉滑溜帶米香。
惠顧午市套餐加HK$18配
泰原香茅雞翼2件，好抵。
外皮炸至又酥又脆，香口惹味！
椰汁紅豆冰 加HK$8
椰汁味重，充滿花奶香，
紅豆富咬感，甜而不膩。
蜂蜜玫瑰柚子茶 (跟套餐配)
散發淡淡玫瑰幽香，甜度剛好，
兩者出奇地夾，味道清香可口～
歡迎找我試用，出席活動
Email: heimenmak@gmail.com
文章標籤
全站熱搜
留言列表
