close
今晚約左好友撐枱腳食西餐,
黎到石門試試勁多好評既Su Casa。
餐廳衛生意識好高,
入內前會提供消毒噴霧噴鞋底同衣服。
餐廳樓底高,光猛明亮,
空間感足,坐位舒適。
餐牌選擇極多,
包括時令海鮮、前菜、湯、
意粉、意大利飯、主菜、甜品,
仲有兒童餐、紅白酒等,
一家大細或者情侶好友聚餐都好適合。
而且有set dinner提供,
價錢合理,性價比高!
最後叫左前菜、湯、意粉、
主菜、甜品同兩杯野飲,超豐富。
菠蘿有機奇亞籽綠茶 HK$36
叫左凍、暖各一杯,
味道甜中帶微酸,
有菠蘿絲同奇亞籽粒,
開胃又健康。
招牌蠔湯 HK$68
湯底鮮甜重蠔味,
飲得出落足料,
口感creamy ,啖啖蠔味。
跟湯蒜蓉法包香脆惹味。
香煎鴨肝配多士 HK$88
鴨肝味道香濃,
兩面煎至金黃,
配多士食減油膩感。
日本帶子菠菜忌廉天使麵 HK$158
帶子輕輕煎香兩邊,口感清爽彈牙,
每條天使麵掛滿充滿香滑忌廉汁,正。
脆皮燒原隻德國咸豬手配酸椰菜 HK$228
外層金黃脆卜卜,真正皮脆肉嫩,
肉質保持嫩滑,鹹香惹味,啖啖肉勁滿足!
酸椰菜有助消化同時減油膩感。
配菜仲有口感細滑薯蓉同蔬菜。
燴車厘子金寶脆脆配雜莓及雪糕 HK$78
輕輕敲碎面層粉紅色蛋白糖蓋,
即時噴出煙燻蘋果木味,
效果勁夢幻,打卡必點item!
將鬆脆金寶脆脆拌勻燴車厘子同士多啤梨,
味道酸酸甜甜,感覺清新特別。
歡迎找我試用,出席活動
Email: heimenmak@gmail.com
文章標籤
全站熱搜
留言列表