close
忙左成個星期，終於都放假啦!
星期六約左幾個朋友一齊DINNER，
佢地揀左Oasis Bar & Grill，
位於尖沙咀諾士佛臺1號8樓。
餐廳環境寬敞，座位鬆動，坐得舒適，
周圍設計都好有特色，充滿大自然氣息。
設數個雀籠座位，好岩打卡!
墨西哥芝士栗米片配牛油果醬, 酸忌廉, 蕃茄莎莎
一大碟金黃色芝士栗米片酥脆可口，
入口香濃脆卜卜，配以濃郁拉絲芝士，邪惡感十足!
再分別蘸上清新柔滑牛油果醬、豐腴滑溜酸忌廉，
或鮮甜微辣蕃茄莎莎，提升味道層次。
法式油浸鴨腿伴法式忌廉焗薯、南瓜蓉、紅桑子醬
法國經典菜式之一，鴨腿肉質酥軟多汁，
味道相當香濃，帶點鴨肉鹹香，醃得入味，
配香甜清新紅桑子醬，可減油膩感。
薄荷寶雲酥澳洲羊架伴法式忌廉焗薯
以傳統寶雲酥方式焗羊架，
加以麵包糠、香草、橄欖油等焗製，
增添羊架鬆脆口感，羊肉保持嫩滑多汁，
味道層次分明，伴以法式忌廉焗薯，入口軟滑。
朱古力心太軟配雲呢拿雪糕
外層香脆，切開後流出香濃朱古力漿，
味道相當濃郁，蛋糕鬆軟不死甜，
再配雲呢拿雪糕，一冷一熱，美味可口。
最後唔少得叫返杯Signature Cocktails
店員推介DIAMOND IN THE SKY，
包含Peach Liqueur, White Peach Puree,
Homemade Lemongrass with Lemon Leaf Gomme,
Citrus, Edible Golden Powder, Sparkling Wine。
閃爍效果好吸晴，岩哂打卡影相，
帶點香桃味，夾雜Lemongrass清香，
清甜又夠FRESH，酒精濃度唔算高，適合女士們飲用。
#oasisbarngrillhk #oasisday&night
文章標籤
全站熱搜
留言列表
