close
去開港島又想食泰國菜，
記起之前食過Orange Elephant Thai Restaurant，
質素唔錯，價錢相宜，一於約個朋友一齊食~
餐廳環境寬敞，卡位闊落，坐得舒適。
每日都有唔同既$1優惠菜式，真係好抵食~
包括泰式明爐烏頭魚、泰式香茅炸豬扒、
酸辣去骨鳳爪沙津、飛天通菜、
泰式炸蝦餅、啤酒、黃咖哩雞。
泰式海南雞
雞皮爽口，脂肪不算多，
雞件已去骨啖啖肉，
肉質滑嫩且雞味濃，
蘸兩式秘製醬汁更加惹味。
泰式明爐烏頭魚
今日係星期一，咁岩$1優惠菜式
就係泰式明爐烏頭魚，正!
原條魚用明爐上，可以keep住熱辣辣。
湯底配搭香茅、青檸等材料，味道酸辣開胃，
烏頭魚肉鮮味十足夠哂嫩滑。
咖哩海鮮脆包盅
大大個麵包盅烘得外脆內軟，
咖喱醬汁甜中帶點微辣充滿椰香，
配以多款海鮮，相當豐富又足宗，
推介鮮甜滑溜青口同彈牙魷魚。
椰青
清新香甜，醒胃又解渴。
龍眼冰
甜度適中，清甜香醇。
文章標籤
全站熱搜
留言列表
